Portieri i Benevento, skuadrës italiane të dorës së dytë, Alberto Paleari, ia ofron publikisht fanellën me numrin 10 Cristiano Ronaldo-s. Ylli portugez, i kthyer dje te Manchester United, mund ta ndryshojë fanellën e tij vetëm një vit pas transferimit te “Djajtë e Kuq”.
Ka shumë hipoteza, por disa klube të njohur ia kanë mbyllur derën pesë herë fituesit të “Topit të Artë”, nga Chelsea te Bayern Munich dhe Atletico Madridi. Ai është në kërkim të një klubi që luan në Champions League, por duket se nuk po e merr askush.
Një situatë disi qesharake për 37-vjeçarin, ndaj me shaka, Alberto Paleari u përpoq ta ftonte publikisht atë përmes Tëitter-it që të luajë me Benevento: “Nëse kërkon transferimin dhe nuk di çfarë të bësh, ne kemi ende në dispozicion fanellën me numrin 10. Na njoftoni sa më shpejt të jetë e mundur”.
Një postim i rilançuar nga llogaria e “Lega B”, e cila kishte përjetuar tashmë potencialin e portierit në fjalë disa javë më parë, kur Paleari bëri një ofertë për veten e tij. Batuta në merkato, por së shpejti në fushë do të rikthehet serioziteti.
