Dy ngjarje të rënda kanë ndodhur pasditen e sotme në Lezhë.
-Një pushues nga Kosova ka gjetur vdekjen në plazhin e Tales.
Sapo ka hyrë në det kosovari i moshës rreth 35-vjec nuk është ndjerë mirë dhe është marrë dhe nga autoambulanca për ta derguar në urgjencën e spitalit të Lezhës, por ka humbur jetën gjatë rrugës.
Trupi i viktimës është dërguar në morgun e spitalit, ku pritet ti nënshtrohet mjekësisë ligjore e cila do përcaktojë shkakun e vdekjes.
-Ndërkohë një tjetër ngjarje e rëndë ka ndodhur në plazhin e Shëngjinit.
Një pushuese 75-vjeçare është rrezikuar të mbytet.
Mësohet se ngjarja ka ndodhur po pasditen e sotme në qendër te plazhit, ndërsa e moshuara është dërguar me urgjencë në Spitalin Rajonal të Lezhës.
Ka qënë reagimi i shpejtë i autoambulancës me personel mjekësor, të cilët kanë arritur të shpëtojnë pushuesen nga Kosova e cila tashmë e ka kaluar rrezikun për jetën.
