Një zjarr i përmasave të mëdha është shfaqur orët e para të mëngjesit në fshatin Lapardha në Berat.
Kanë qenë vetë fermerët ata të cilët u kanë vënë zjarrin mbetjeve e më pas janë larguar me mendimin se zjarri është shuar. Në orët e para të mëngjesit zjarri është riaaktivizuar, i ndihmuar nga era.
Banorët të alarmuar kanë lajmëruar repartin MZSh. Flakët e zjarrit kanë marre përmasa të mëdha duke rrezikuar banesa dhe bizneset pranë. Në vendngjarje forcat zjarrfikëse po punojnë për të vënë zjarrin nën kontroll.
Pas disa orësh luftë me flakët kanë arritur ta shuajnë, por dëmi është bërë vetëm në drurët frutorë, ndërsa kanë shpëtuar mrekullisht banesat.
Megjithëse flakët janë shuar sërish, punonjësit zjarrfikës Berat kanë vijuar punë për të fikur çdo shkëndijë. Po punohet për gjetjen shkaqeve dhe autorëve të këtij zjarri.
