Ish-presidenti Ilir Meta përmes një postimi në “Facebook” ka reaguar për herë të parë, pas ndryshimit të emrit të partisë nga LSI në Partia e Lirisë.
Meta shprehet se dje u hodh hapi i parë në përmbushjen e misionit për rivendosjen e sovranitetit të plotë të popullit shqiptar nëpërmjet referendumit.
Po ashtu, Meta vijon, duke thënë se tani është koha për veprim.
Postimi i Metës:
Me mirënjohje për të gjithë delegatët për vendimin historik të themelimit të Partisë së Lirisë. Dje hodhëm hapin e parë në përmbushjen e misionit tonë për rivendosjen e Sovranitetit të plotë të popullit shqiptar nëpërmjet Referendumit.
Tani është Koha për Veprim! Asnjë sekondë për të humbur! 🇦🇱
