Kuvendi i Shqipërisë, ndryshe nga çfarë ishte përcaktuar, do të mblidhet në seancë plenare të enjten e ardhshme në orën 17:00. Mësohet se do të ketë diskutime lidhur me ndryshimet e bëra në qeveri.
Një ditë më parë, kryeministri, Edi Rama shkarkoi Arben Ahmetajn nga posti i zëvendës kryeministrit duke emëruar në vend të tij, Belinda Ballukun.
Gjithashtu Rama shkarkoi Zef Mazin si kryenegociator dhe emëroi në vend të tij, Majlinda Dhukën e cila do të ushtrojë edhe detyrën e ministres së Shtetit për Negociatat me BE-në.
