Ish-Presidenti Ilir Meta në një konferencë për mediat komentoi zhvillimet e fundit politike në vend, duke komentuar edhe shkarkimin e Arben Ahmetaj.
Vendim për të cilin Meta tha se ishte thjesht një lojë për të tërhequr vëmendjen, pasi Ahmetaj, sipas tij, ishte shkarkuar me kohë.
“Ka kaluar koha e shkarkimit këto janë për të fituar kohë, lojëra për të prodhuar ndonjë laj. Ai është shkarkuar prej kohësh. Nuk ka asgjë të përbashkët me Rilindjen tonë kombëtare, emrin e përdori për mashtrim, e shikoni të gjithë se çfarë bëjnë çdo ditë, kërdinë. Ky është një regres i madh për vendin”, tha Meta duke iu përgjigjur interesit të mediave.
