Mediat raportojnë se RENEA ka zbarkuar në qarkun e Elbasanit. Kontrolle të befasishme po kryhen në Belsh e Cërrik në kërkim të personave me precedent penal.
RENEA në bashkëpunim me policinë e ka bërë kontrolle në automjete luksoze të dyshimta.
Sipas të njëjtave burime RENEA po u drejtohet edhe disa fshatrave te bashkisë Belsh. Ende nuk dihen detajet e këtij operacioni.
Burimet bëjnë të ditur se efektivët janë fokusuar në fshatin Dëshiran, i njohur si një ndër zonat ku kultivohet bimë narkotike. Deri tani burime bëjnë me dije se është shoqëruar një person, identiteti i të cilit nuk dihet ende.
Nuk dihet ende fokusi i këtij operacioni, ndërsa në vijim pritet të ketë edhe ndonjë njoftim nga Policia.
Ndërkohë pika kontrolli janë ngritur edhe në bashkitë e tjera të qarkut të Elbasanit, dhe në qytet. Edhe pse RENEA që është edhe njësia elitë e forcave policore ka kryer dhjetra operacione në Elbasan, asnjë prej të shumëkërkuarve për vrasje nuk ka rënë në pranga.
Ata gjenden më lehtë nga kundërshtarët e tyre, kur bëhet fjala për ti eleminuar në atentate mafioze. Edhe pse zona e Milotit dhe Fushë Krujës është tronditur së fundi nga disa ngjarje kriminale, RENEA nuk ka ndërmarrë asnjë operacion në këto zona, duke i përqendruar sot energjitë në një qytezë të vogël si ajo e Belshit.
