Alessandro Florenzi ka dhënë një intervistë për Sky Sport. Mbrojtësi i krahut, i transferuar te Milan-i, është kthyer të flasë për fitoren e titullit dhe ka zbuluar objektivat për sezonin e ri.
Ish-lojtari i Roma-s ka folur për sezonin e fundit që ka kthyer kuqezinjtë te triumfi në Serinë A dhe për lamtumirën nga klubi verdhekuq.
“Vitin e kaluar kemi fituar me meritë të plotë. Kishte një shpirt të madh skuadre dhe një vizion të përbashkët. Të gjithë shkonim në një drejtim.
“Ndoshta nuk ishim skuadra më e fortë në letër, por jo gjithmonë fitojnë më të fortët. Megjithatë, kemi arritur të kalojmë momentet e vështira dhe këto janë gjëra që bëjnë diferencën. Shumë skuadre po përforcohen, por ne duam të fitojmë përsëri.
“Nuk do të jetë e lehtë sepse të gjithë do të duan të mundin kampionët e Italisë. Nuk duhen bërë shumë deklarata, duhet t’i marrim ndeshjet një nga një dhe të mbrojmë atë që kemi fituar në fushë.
“Objektivi ynë i madh është të fitojmë titullin e njëzetë në Serinë A. Në Champions duhet të përmirësohemi në krahasim me sezonin e kaluar. Shumë lojtarë nuk kishin eksperiencë, por ato ndeshje na kanë mësuar shumë”.
Largimi nga Roma – “Sa herë që jam larguar nga Roma nuk ka qenë një zgjedhje e imja. Këto tre vitet e fundit më kanë dhënë gjithsesi shumë.
“Në fillim të karrierës, duke parë Totti-n dhe De Rossi-n, mendoj se do të kisha qëndruar gjithmonë te Roma. Fatkeqësisht nuk ka qenë e mundur”.
