“Mos shisni votën, mos tradhëtoni Ilir Metën dhe Kushtetutën”, iu drejtua ish-Presidenti anëtarëve të LSI dhe të pranishmëve në Konventën Kombëtare të kësaj partie.
Meta tha se sot shpallim non grata kleptokracinë, rilindjen mavi dhe atë pjesë të rilindjes blu, të pazareve të 17 majit.
“Nuk jam këtu për asgjë tjetër veçse për tju kërkuar që tju tregojmë të gjithëve shqipfolëse gjakprishur, por edhe gjithë Botës, se ne jemi një popull me dinjitet, jemi europianë, jemi një popull që padrejtësisht që për shkak të mafies që na qeveris dhe mafies ndërkombëtare që kërkon që Shqipëria të bëhet bazë për pastrimin e parave, tu tregojmë se ky është vendi ynë, dhe kemi vetëm një rrugë: Referendumi.
Referendumi do të jetë shpata e demokleut mbi uzurpatorët e demokracisë, mbi oligarkët e pangopur”, tha Meta.
Ata që prekin sovranitetin dhe Kushtetutën do e kenë fatin e zi.
“Ne e krijuam LSI për të shpëtuar procesin e integrimin europian që e bllokoi Fatos Nano për hajdutëritë e tij në dogana e tatime. LSI bëri çdo gjë edhe për liberalizimin e vizave, edhe për marrjen e statusit të vendit kandidat.
Por tani ka vetëm një rrugë: Referendumi, sepse kemi parë si shiten dhe blihen politikanët, por nuk ka forcë në Botë që mund të blejë 3 milionë shqiptarë”, tha Meta.
