Tedi Blushi, i cili ishte pjesë e stafit të Ilir Metës gjatë Presidencës, tha në konventën e LSI se i përket popullit të 2 marsit.
Duke iu drejtuar të pranishmëve, Blushi tha se kauza juaj më e madhe, ajo e Lirisë, do përshpetojë edhe integrimin europian, që ka qenë prioriteti i juaj.
“Populli i 2 Marsit është i etur për Lirinë dhe Referendumin.
Vendi ynë tani është vetëm pranë popullit që mezi pret të marrë në dorë fatet e veta, që mezi pret t’i japë goditjen finale një kaste mafioze dhe një grupi horrash dhe tradhëtare, që po shpopullojnë dhe po e falimentojnë Shqipërinë, që kanë nxjerrë në pazar kufijtë e Shqipërisë dhe që po i ngulin thika pas shpine Kosovës.
Koha për të shporrur këtë të keqe është tani”, tha Blushi.
Sipas tij, fuqia e popullit të 2 marsit, qëndron tek bashkimi rreth lirisë.
