RENEA duket se ka pasur si objektiv arrestimin e Talo Çelës, gjatë operacionit të zhvilluar në Qarkun e Elbasanit, pasditen e së hënës. Nga raportimet mësohet se operacioni i RENEA është dekonspiruar nga policia lokale, ndërsa kjo ka shkaktuar edhe një përplasje mes drejtuesve lokalë dhe atyre të forcave speciale.
ABC raporton se RENEA ka pasur informacione, sipas të cilave Talo Çela strehohej në banesën e një personazhi të njohur në Peqin, por kur kanë ushtruar kontroll, ka rezultuar se personi më i kërkuar sot nga Policia e Shtetit, për një seri veprash penale, nuk ndodhej në atë banesë.
Kjo ka çuar në akuza mes drejtuesve të repartit speciale dhe atyre të komisariatit të Peqinit lidhur me dekonspirimin e operacionit.
Nuk dihet nëse realisht ka ndodhur një dekonspirim operacioni apo informacioni që i është dhënë forcave policore nuk ka qenë i saktë, por duket se Talo Çela, sërisht i ka shpëtuar policisë.
