Los Anxheles FC ka arritur të fitojë mbrëmjen e djeshme me rezultatin 0-2 ndaj Sporting Kansas Siti, në javën e 21-të në MLS-në amerikane.
Golat për skuadrën nga Los Anxhelesi u shënuan në minutën e 56′ nga Arango dhe më pas “kapakun” e kësaj sfide e vendosi Garet Bejl në minutën e 83′ pas një kundërsulmi “vrastar” dhe ish-ylli i Realit të Madridit realizon mjaft i qetë përballë portierit duke e dërguar topin në fundin e rrjetës.
Kjo ishte ndeshja e dytë në MLS për sulmuesin uellsian, i cili shënoi dhe golin e tij të parë përtej oqeanit me fanellën e Los Anxheles FC.
Këta të fundit kryesojnë kampionatin deri tani pas 21 javësh me 45 pikë, +4 nga vendi i dytë, Austin FC.
