Mançester Siti ka triumfuar minimalisht 0-1 ndaj Bajernit të Mynihut në miqësoren e luajtur në Shtetet e Bashkuara të Amerikës.
“Qytetarëve” u ka mjaftuar Erling Haland, i cili me fanellën e Sitit debuton me gol, pikërisht ndaj Bajernit të Mynihut, ekip që i ka shënuar shpesh kur luante me Borusian e Dortmundit. Kjo ishte miqësorja e dytë e skuadrës nga Mançesteri teksa ka fituar edhe ndeshjen ndaj Klab Amerikës.
Ndërsa për ekipin nga Bavaria kjo ishte ndeshja e dytë pasi triumfoi me rezultatin tenistik 2-6 ndaj DC Junajtid.
