Kryeministri Edi Rama, përmes një postimi në rrjetet sociale, shprehet se skuadra shqiptaro-amerikane arriti të zbrapsë sulmin kibernetik kundër portaleve qeveritare. Rama thekson se çdo gjë do t’i raportohet publikut nga ekspertët.
Aktualisht, sipas asaj që njofton kreu i qeverisë, ekipi i angazhuar po punon për të forcuar muret mbrojtëse si dhe po bëhen hetime për identifikimin e autorëve.
“Lajmi i mirë është se agresioni është zmbrapsur me sukses nga një superskuadër shqiptaro-amerikane, se asnjë e dhënë nuk është fshirë, se shërbimet publike janë kthyer në punë! Vazhdon operacioni i forcimit të mureve mbrojtëse dhe hetimit për identifikimin e sigurtë të agresorit!”, shkruan Rama.
