E mbani mend taksistin shqiptar Hazir Stublla që pasi i ktheu portofolin e humbur portierit Manuel Neuer u shpërblye vetëm me një fanëllë dhe asnjë falënderim? Ka menduar një tjetër legjendë e Bayern Munchen që ta dëmshpërbleje disi taksixhiun që në intervistën për gazetën “Bild” tha se kishte udhëtuar më shumë se 100 km për të gjetur agjentin e lojtarit dhe për t’i dorëzuar portofolin me 800 euro dhe disa dokumenta portierit por ai u mjaftua duke i dhuruar vetëm një fanelë dhe madje edhe atë pa një autograf.
Lajmi bëri menjëherë xhiron e botës duke bërë që ish-kapiteni i Bayernit, Lothar Mathaus t’ia blejë fanellën e numrit 1 për 1 mijë euro në mënyrë që kjo çështje të mbyllet përfundimisht dhe Neuer të shpëtojë nga sikleti i përgojimit të njerëzve në rrjetet sociale.
“Unë e di nga përvoja personale se si është të humbasësh portofolin. Përkushtimi i Hazirit më duket më i vlefshëm për t’a kursyer Manuelin nga telashet”, është shprehur Matthaus.
Në këtë mënyrë, taksisti shqiptar i ka rikuperuar 400 eurot e shoenzuara për të gjetur Neuer, ndërsa Matthaus ka në shtëpi edhe fanellën e Neuer.
