Kryetari i Partisë Republikane, Fatmir Mediu ka zhvilluar një darkë me miq, gjeneralë dhe ish-kryeministra, miq të Shqipërisë dhe Kosovës.
“Kënaqësi të kisha mysafir për darkë, miq të jashtëzakonshëm nga SHBA: Kanada dhe UK. Gjeneralët Uesley Clark dhe Jim Jones të dy ish komandant Supren të NATOs, miq të vërtetë të shqiptarëve.
Gjenerali Clark komandanti NATOs që drejtoj luftën për çlirimin e Kosovës nga pushtimi dhe gjenocidi Serb.
Gjenerali Jones nga Pentagoni si këshilltar ushtarak i Sekretarit Cohen. Më tej si komandant Suprem i NATO-s mbështeti reformat në Forcat e Armatosura dhe si Këshilltari për Sigurinë i Presidentit Obama anëtarësimin e Shqipërisë në NATO në vitin 2009.
Po ashtu me ish Kryeministrin e Kanadasë, Stephen Harper i cili mbështeti dhe ndihmoj anëtarësimin e Shqipërisë në NATO, kryetar i IDU ku është anëtare Partia Republikane.
Liam Fox deputet Britanik, ish-Ministri Mbrojtjes si dhe ish-Ministër për tregtinë ndërkombëtare, një nga përfaqësuesit më në zë të konservatorëve Britanik.
Ndamë shqetësimin e përbashkët për ndikimin Rus dhe Kinez në rajon, si dhe përpjekjet për të rikthyer tensionet dhe konfliktet në rajonin e Ballkanit’, shkruan kreu i republikanëve, Fatmir Mediu në një postim në Instagram.
