Këngëtari shqiptar, Berkan Beka, ka kryer së fundmi një operacion në zemër dhe fatmirësisht tashmë është mirë.
Berkani ka rrëfyer se nuk ka qenë mirë muajt e fundit pasi ndjente shumë lodhje dhe se nuk merrte frymë mirë.
“Mirë jam, tani mirë. Sepse me të vërtetë e kalova një periudhë shumë të vështirë. Së pari falënderoj të gjithë njerëzit që përmes Instagramit që më kanë telefonuar. Me qindra njerëz nuk kam mundur që t’iu përgjigjem të gjithëve. Nuk themi kot që në këto ditë shihet njeriu se sa duhet.
Faleminderit familjes, Zotit. Tani më mirë jam, patjetër e kam që të shkoj te e mira”, tha këngëtari.
Gjithashtu, Berkani ka gëzuar fansat, duke thënë se tashmë do të vazhdojë me projekte të reja muzikore dhe do t’i rikthehet aktiviteteve normale.
