Kryeministri Edi Rama theksoi sot në takimin me kryetarët e bashkive në Pogradec se asnjë hotel nuk do të hapet vitin e ardhshëm nëse nuk do bëj depuratorë të dedikuar, për shkarkimin e ujrave të zeza.
“Si do ia bëjmë me hotelet që ndërkohë që ne mbulojmë të gjithë Durrësin me kanalizime dhe i japim fund ujërave të zeza në gropa septike, si mund të lejomë ne që hotelet të mos kenë depuratorë. Të jetë kontributi në pastërti, jo hotele që ndotin. Si mund ta pranojmë ne që të ndërtojmë hotele dhe hedhin ujërat e zeza në liqen ose në det. Kjo bëhet siç po bëhet me pastrimin, kjo bëhet me ditë-natë mbi kokë”, tha Rama.
Ai shtoi tha se asnjë hotel nuk do të hapet vitin e ardhshëm nëse gjatë këtij viti nuk do bëj depuratorë të dedikuar.
“S’ka asnjë mundësi tjetër është e patolerueshme që ujërat e Shqipërisë të ndoten nga ujërat e zeza të shqiptarëve. Si do bëhet me Komanin që gjithë hedhurinat që vijnë nga fshatrat përfundojnë në tragete”, tha ai.
