Kris Jenner është e shqetësuar për shpenzimet marramendëse të vajzës së saj Kylie Jenner. Kjo vjen pasi Kylie u cilësua këtë javë si “pa klas” dhe “kriminele klimatike” pasi u mburr për avionin e saj privat prej 72 milionë dollarësh në mediat sociale. Të premten, 24-vjeçarja postoi në Instagram një foto të avionit të saj të parkuar pranë atij të të dashurit Travis Scott, me mbishkrimin: “Dëshiron të marrim timin apo tëndin?”
Kylie ishte kritikuar më parë për përdorimin e saj të avionit në vitin 2019, kur mori motrën e saj Kendall Jenner për darkë në një aeroplan të personalizuar Global Express. Dhe ndërsa ajo vazhdon të shpërthejë qindra miliona në stilin e saj të jetesës luksoze, burimet thonë se nëna e saj – e cila është gjithashtu menaxherja e saj e biznesit – është e shqetësuar.
“Kris po kërkon që të jetë më e përgjegjshme me paratë e saj, të bëjë investime të mençura. Por Kylie është 24 vjeç, ajo ka markën e saj dhe bën çfarë të dojë”, tha burimi i brendshëm.
Kylie thuhet se zotëron deri në pesë shtëpi në Kaliforni.
Vendbanimi i saj kryesor, në Hidden Hills – jo shumë larg nga vendi ku jetojnë edhe nëna dhe motrat e saj Kim dhe Khloé Kardashian – përbëhet nga tetë dhoma gjumi dhe 11 banja dhe ka më shumë se 13,000 metra katrorë. Ajo e bleu atë në shtator 2016 për 12 milionë dollarë.
Në prill të vitit 2020, ajo bleu një tokë pranë në Hidden Hills për 15 milionë dollarë, thuhet se punësoi arkitektin e Tom Brady, Richard Landry, për të ndërtuar një shtëpi të re në tokë.
Sipas burimeve, Kylie dëshiron të ndërtojë një rezidencë 18,000 metra katrorë me një garazh me 12 makina (ajo zotëron një Bugatti Chiron prej 3 milionë dollarësh dhe një Rolls Royce prej 300,000 dollarësh, mes makinave të tjera), një pishinë të madhe, shtëpi për mysafirë dhe palestër.
Në prill 2020 ajo bleu një mega-rezidencë 15,350 metra katrorë në Bel Air, me shtatë dhoma gjumi, për 36.5 milionë dollarë. Të mos harrojmë shtëpinë me shtatë dhoma gjumi në Beverly Hills që ajo bleu me Scott në tetor 2018 për 13.45 milionë dollarë.
“Kris Jenner ndjeu se duhej të ndërhynte për t’i thënë Kylie-t të ngadalësonte shpejtësinë. Ajo është e shqetësuar se më e vogla e saj po shpenzon shumë para, shumë shpejt. Por Kylie bën atë që dëshiron”, tha burimi i brendshëm
Kris ka thënë se Kylie shpenzon rreth 300,000 dollarë në muaj për veshje, dhe jo vetëm për veten. Vajza e saj Stormi është parë me veshje të krijuar nga Dolce & Gabbana, Fendi, Burberry dhe Gucci. Vajza madje kishte veshur një çantë shpine Hermes 12,000 dollarë në ditën e saj të parë të shkollës. Dhe tani, Kylie dhe Scott kanë edhe një djalë pesë muajsh, emri i të cilit nuk bëhet i ditur.
Ajo gjithashtu thuhet se shpenzon 300,000 deri në 400,000 dollarë në muaj për sigurinë dhe makinat.
