Shonka Dukureh, e cila luajti Big MamaThornton në filmin e këtij viti për Elvis Presley, është gjetur e vdekur në dhomën e gjumit në shtëpinë e saj në Nashville.
Policia tha se nuk kishte shenja keqtrajtimi. Rezultatet e autopsisë janë në pritje nga eksperti mjekësor.
Këngëtarja 44-vjeçare e Nashville, ndante apartamentin me dy fëmijët e saj të vegjël. Njëri prej fëmijëve e gjeti atë të pandjenja dhe shkoi në banesën e një fqinji, i cili thirri shërbimet e urgjencës.
Aktorja, e cila gjithashtu ndau skenën në Coachella këtë vit me Doja Cat, ishte diplomuar për teatër në Universitetin Fisk në Nashville dhe u diplomua gjithashtu në Trevecca Nazarene.
Në një intervistë muajin e kaluar, Dukureh tha se ajo u dha mësim nxënësve të vitit të dytë për një kohë dhe më pas punoi me të rinjtë e qytetit përmes programeve pas shkollës dhe verës. Ajo tha se ata studentë u afruan pasi e panë atë në filmin biografik të Baz Luhrmann-it, Elvis.
