Amber Heard ka paraqitur zyrtarisht apelimin për rastin e saj për shpifje kundër aktorit Johnny Depp, gati dy muaj pasi ajo u urdhërua t’i paguante ish-bashkëshortit të saj mbi 10 milionë dollarë (9.8 milionë euro) dëmshpërblim.
Avokatët që përfaqësojnë aktoren 36 vjeçe, të enjten depozituan një njoftim për të apeluar vendimin në Gjykatën e Apelit të Virxhinias në Fairfax County, tregojnë të dhënat gjyqësore të siguruara nga tabloidi britanik DailyMail.
Lëvizja vjen vetëm një javë pasi Heardit iu refuzua kërkesa për një gjyq të ri.
Në qershor, ylli i “Aquaman” u urdhërua t’i paguante Deppit 10.35 milionë dollarë (10.1 milionë euro) dëmshpërblim në fund të një gjyqi eksploziv gjashtë-javor, kur një juri vendosi që ajo kishte shpifur për yllin e “Pirates of the Caribbean” në një intervistë për një gazetë të botuar në vitin 2018.
Heard fitoi vetëm një nga tre pretendimet e saj kundër padive, të cilat lidheshin me deklaratat e bëra nga avokati i Deppit që sugjeronte se ajo dhe miqtë kishin hedhur mbeturina në apartamentin e tyre përpara se të thërrisnin policinë. Juria përfundimisht i dha asaj vetëm dy milionë dollarë (1.9 milion euro) dëmshpërblim nga 100 milionë dollarët (98 milionë euro) që ajo kërkonte.
