Prokuroria e Tiranës ka nisur hetimet për sulmin kibernetik ndaj sistemeve qeveritare, të cilat dyshohet se u ndërmorën nga jashtë Shqipërisë dhe detyroi autoritetet të mbyllnin shërbimet online për qytetarët.
AKSH-i në bashkëpunim me konsulentë dhe ekspertë vendas e të huaj, ka rikthyer në punë disa sisteme që u nxorrën jashtë funksionit pas sulmit kibernetik, por shumica vijojnë të rezultojnë të bllokuara.
Ato u goditën nga një sulm kibernetik më 17 korrik, ndërsa u sqarua se bëhej fjalë për një sulm masiv kibernetik, të sinkronizuar dhe të sofistikuar nga jashtë Shqipërisë, me dyshimet për dy vende origjine.
