Një vatër zjarri është raportuar në një sipërfaqe pyjore pranë zonës së mbrojtur në Bërzanë, në njësinë administrative Zejmen në Lezhë.
Lajmin e ka bërë të ditur ministri i Mbrojtjes, Niko Peleshi përmes një postimi në rrjetet sociale.
Sipas Peleshit, në ndihmë të aksionit për shuarjen e vatrës është dërguar një helikopter Cougar. Vatra e zjarrit rrezikon të marrë përmasa të mëdha për shkak të erës së fortë.
Në terren po punojnë forcat e emergjencave civile, janë angazhuar 60 efektivë të FA, forca të policisë dhe vullnetarë.
