Policia italiane ka organizuar një operacion “blitz” ku është goditur një bandë e trafikut të drogës e përbërë nga anëtarë marokenë dhe shqiptarë.
Grupi kriminal ishte në përplasje të vazhdueshme me bandat e tjera për të marrë kontrollin e trafikut të drogës. Bandat vepronin kryesisht në rrethinat e Milanos dhe ato të Vareses.
Si rezultat i operacionit kanë rënë në pranga 6 persona, 4 burra, njëri prej tyre shqiptar dhe dy gra.
Ata akuzohen për vrasjen e mbetur në tentativë të një trafikanti droge pas përplasjes për kontrollin e territorit në shitjen e heroinës, kokainës dhe hashashit.
