Gjithçka e kryer për De Ligt te Bayern Munich: skuadra gjermane ka lajmëruar në rrjetet sociale nënshkrimin me mbrojtësin holandez deri në 2027-ën. Juventus, në faqen zyrtare, ka përshëndetur holandezin pas tre vitesh me bardhezinjtë.
De Ligt, pas lajmërimit, ka folur si lojtar i ri i bavarezëve: “Bayern është klubi më i suksesshëm në Gjermani, një nga klubet më të suksesshëm në Europë dhe në botë”, ka thënë lojtari.
“Që nga fillimi kam ndier vlerësimin e vërtetë të drejtuesve dhe trajnerit, që më kanë bindur. Ndër të tjera, Bayern-i është një klub i menaxhuar në mënyrë të shkëlqyer me objektiva të mëdha. Jam shumë i lumtur që jam pjesë e historisë së Bayern-it”.
Juventus ka zbuluar edhe detajet financiare të shitjes së De Ligt. Gjermanët do të paguajnë 67 milionë euro në katër këste, shumë që mund të rritet me 10 milionë euro në rast se do të arrihen objektiva të caktuar sportiv.
