Dy zjarre të njëpasnjëshme kanë rënë në Berat. Zjarri i parë është shfaqur në fshatin Starovë dhe zjarri i dytë 30 minuta më vonë në fshatin Malas Breg.
Forca të shumta të Repartit Zjarrfikës janë shpërndarë në dy drejtime dhe në një kohë të shkurtër kanë mundur të neutralizojnë e shuajnë flakët e zjarrit, që ndodheshin shumë pranë banesave të fshatrave Starovë e Malas Breg.
Zjarret mendohet të kenë qenë të qëllimshëm e të vendosur nga vetë banorët për hapjen e kullotave të reja. Si pasojë e zjarreve të rëna janë djegur sipërfaqe të konsiderueshme me shkurre, ferra e ullinj.
