Qytetarët britanikë vërshuan gjatë fundjavës në plazhe për t’i shpëtuar temperaturave ekstremisht të larta të cilat kanë përfshirë vendin e do të vijojnë edhe gjatë kësaj jave.
Autoritetet bëjnë me dije se vendi ndodhet në alarm të kuq për shkak të nxehtësisë së lartë, çka sjell pasoja për jetën.
Temperaturat në jug të Anglisë për herë të gjatë të hënës e të martës mund të arrijnë 40 gradë Celsius.
Sipas shkencëtarëve shkak janë ndryshimet klimatike.
“Isha nga ata persona që besoja se ishte çdo gjë për politikë, por tani mendoj se është diçka serioze dhe duhet të veprojmë, të shpëtojmë planetin dhe brezat e ardhshëm” shprehet Abu Bakr, një punonjës banke.
Një tjetër student thekson se është e tmerrshme. Ajo shprehet se ndihet e frikësuar pasi vendi ku banonte ka ndryshuar shumë nga viti që shkoi.
Nxehtësia ekstreme ka mbërthyer Europën dhe ka shkaktuar edhe viktima. Në javët e fundit në Spanjë raportohet për të paktën 360 te vdekur ndërsa në Portugali për 659 humbje jetësh.
Temperaturat në disa qytete sikundër në Madrid kanë arritur 46 gradë Celsius. Franca ka zgjeruar gjendjen e alarmit portokalli në 16 rajone. Nxehtësia po shoqërohet edhe me zjarre mssive të cilat kanë sjellë mijëra evakuime në Francë, Spanjë Portugali e të tjera shtete.
