Në një intervistë për median gjermane, Rama është pyetur edhe mbi largimin masiv të shqiptarëve. Kryeministri u përgjigj se ky ishte eksporti kryesor drejt vendeve të tjera dhe se kjo nuk ishte aspak gjë e mirë.
Pyetje: Pavarësisht progresit ekonomik që ju thoni, shqiptarët po vazhdojnë të largohen nga vendi. Kjo duhet të jetë alarmuese për ju.
Rama: Po. Fatkeqësisht, historia është eksporti ynë kryesor dhe kjo nuk është gjë e mirë. Më lejoni të përgjigjem. Ballkani nuk ka qenë kurrë një vend i mërzitshëm.
Por ne, Ballkanin, duam të bëhemi më te zakonshëm dhe më normal. Po aq të rëndomtë sa Bashkimi Evropian. Një vend është i zakonshëm kur gjithçka funksionon në mënyrë eficente si në Gjermani.
Për shaka, dikush më tha njëherë se mund të bëhesha kryebashkiak i Frankfurtit. Jo, më mirë jo, iu përgjigja. Sigurisht që ka gjëra që mund të përmirësohen këtu, por Frankfurti është një qytet i vendosur dhe i pasur. Çfarë duhet të qeverisësh në një vend të përsosur?
