Policia njofton se një makinë është gjetur e djegur në fshatin Ahmetaq, pranë Rinasit.
Edhe kjo makinë dyshohet se është përdorur nga ekzekutorët e Brilant Martinajt dhe dy miqve të tij.
Automjeti është konstatuar i djegur në orën 02:00 të mëngjesit të sotëm gjatë krehjes së zonës nga ana e policisë për të rënë në gjurmët e atentatorëve.
Në lidhje me këtë detaj, ka pasur edhe një njoftim zyrtar nga ana e policisë e cila tregon dinamikën e parë në lidhje me zbulimin e automjetit të djegur.
“Më datë 18.07.2022, në orët e para të mëngjesit, në fshatin Ahmetaq, ka marrë flakë dhe është djegur plotësisht një automjet i parkuar tip “Volksëagen”.
Punohet për saktësimin e rrethanave të ngjarjes. Materialet i kaluan Prokurorisë, për veprime të mëtejshme procedurale”, thuhet në njoftimin e policisë.
