Agjencia Kombëtare e Shoqërisë së Informacionit (AKSHI) pranoi një ditë më parë një sulm kibernetik, ndërsa njoftoi mosfunksionimin e faqeve shtetërore online për një kohë të papërcaktuar. Një sërë institucionesh kanë ndërprerë shërbimet, duke penalizuar kësisoj qytetarët e bizneset.
E gjitha ndodh teksa nga qeveria është propaganduar se “jemi lider në qeverisjen dixhitale në rajon”. Pikërisht kështu do të shprehej kryeministri Edi Rama, pak muaj më parë.
Por, pavarësisht parave të shpenzuara në këtë drejtim, sulmi kibernetik tregoi se ky shërbim mbetet vulnerabël. Gazetari Klodian Tomorri, në një postim në rrjetet sociale shprehet se njoftimi i njoftimi i Ministrise se Brendshme për rikthimin e sporteleve fizike është pranimi i parë nga ana e qeverisë se Shqipëria Dixhitale nuk është aq e fortë.
Ai rendit shpenzimet publike dhe ato me kontrata sekrete të AKSHI-t, duke u shprehur se Agjencia Kombëtare e Shoqërisë së Informacionit “duhet të jetë një nga institucionet me numrin me të madh të kontratave sekrete”.
Kontratat sekrete janë sporti më i preferuar i AKSHI-t, ironizon gazetari, i cili shton me shporti se ka ardhur koha të dekorohet drejtuesja e AKSHI-t dhe kryeministri për të gjitha këto arritje.
Reagimi
Në postimin në FB, Tomorri shkruan:
1-Njoftimi i Ministrise se Brendshme per rikthimin e sporteleve fizike eshte pranimi i pare nga ana e qeverise se Shqiperia Dixhitale nuk eshte aq e forte.
2-Qeveria shqiptare ka nje marreveshje me kompanine Microsoft e quajtur Projekti per Partneritet Strategjik ne Teknologjine e Informacionit, qe ka lidhje edhe me sigurine. Parate i paguhen Microsoft Albania. Per kete vit konkretisht jane paguar rreth 1 milione USD deri tani.
3-Ne fillim te ketij viti, qeveria dhe me pas Parlamenti miratoi nje ligj special njesoj si ai i Teatrit, qe i jepte te drejte AKSHI-t te negocionte dhe lidhte nje kontrate me kompanine amerikane Jones Group International per sigurine kibernetike. Ndonese u lajmerua me buje nga qeveria si nje grup i madh, (leading USC company thuhet ne njoftimin e qeverise), aftesia e kompanise se gjeneralit Jones dhe ekspertiza e saj ne drejtim te sigurise kibernetike mbetet e paprovuar. Kjo eshte nje kompani, e cila para kontrates ne Shqiperi, ka patur nje turnover nga 3-5 milione dollare ne vit. (Shiko https://ëëë.datanyze.com/…/jones-group…/359405919
4-Vlera dhe kushtet e kontrates jane sekret (punet sekrete jane sporti me i preferuar i AKSHI-t). Pronari i kompanise, gjenerali Jones ka qene komandant i dekoruar i NATO-s dhe keshilltar i Obamas per sigurine. Me vone edhe lobist
5-Me turnover 3-5 milione dollare ne vit, Jones eshte e pakrahasueshme me emrat si IBM, Microsoft, Oracle, Cisco etj, qe kane turnover nga 50 miliarde dollare e siper. Shume larg fjales leading US company.
6-AKSHI duhet te jete nje nga institucionet me numrin me te madh te kontratave sekrete ne bote ne Europe, e krahasueshme me Departamentin amerikan te Mbrojtjes, Agjencine Kombetare te Sigurise, CIA-n dhe FBI-n. Qindra milione euro qe xhirojne ne nje grusht kompanish shqiptare, disa prej te cilave me lidhje okulte ne politike. Norma e fitimit ne tenderat e IT-se eshte e jashtezakonshme.
8-Tani ka ardhur koha te dekorohet drejtuesja e AKSHI-t dhe kryeministri per te gjitha keto arritje.
