Ka humbur jetën në Spitalin Rajonal të Durrësit Roland Hasani, 44 vjeç.
Hasani ishte burgosur 14 vjet burg për akuzën e vrasjes. Shkak për vetëvrasjen kanë qenë kushtet e rënduara psikologjike të tij.
Dyshohet se Hasani vuante nga probleme të shëndetit mendor. Ngjarja e rëndë ndodhi në qelinë e tij në burgun e Durrësit.
Në të njëjtën qeli me Hasanin, ka qenë edhe një tjetër person. Ky i fundit, kur ka ndodhur ngjarja, ka qenë në gjumë.
Pasi ndodhi ngjarja, Roland Hasani është transportuar me urgjencë në Spitalin e Durrësit me shenja të zbehta të jetës.
Mjekët e kanë futur në sallën e operacionit, por i dënuari nuk ka arritur të mbijetojë. Po kryhen hetime për atë që ka ndodhur.
