Në një intervistë të shkurtër dhënë për rrjetin italian “Mediaset” pas miqësores me Monaco ku shënoi edhe golin e barazimit, të dytin në këtë fushatë verore, Kristjan Asllani flet për aventurën te Interi ku vazhdon të vendosë theksin te ëndrra që për të u bë realitet.
“Ne një vit e gjysmë jeta ime ndryshoi. Kalova nga një lojtar i skuadrës së të rinjve të Empolit te skuadra e parë e Interit. Jam shumë i lumtur dhe dua të jap maksimumin. Jam shumë i lumtur që stërvitem me lojtarë si Brozovic e Barella pasi mund të mësoj shumë prej tyre.
Lukaku sillet si një baba dhe këtë e vura re që në ditën e parë të vizitave mjekësore. E vlerësoj shumë. Objektivi jonë është që të fitojmë titullin”.
