Një repart sulmues që pret akoma të kompletohet me të paktën një copëz tjetër. Flasim për sulmin e Juventus-it që me Vlahovic, Di Maria dhe Chiesa do të ketë nevojë për të paktën një tjetër qendërsulmues.
Ja pse Allegri po këmbëngul për një përforcim. Dhe ky mund të jetë një emër që njihet shumë mirë në ambientin e bardhezinjve.
Pavarësisht zërave për Arnautovic dhe atyre, tani më pak të fortë për Muriel, trajneri i Zonjës së Vjetër duket se nuk ka dyshime për të përzgjedhurin.
Bëhet fjalë për Alvaro Morata që vetëm pak javë më parë i ka dhënë lamtumirën Juventus-in në fund të periudhës së huazimit.
Spanjolli është kthyer tek Atletico Madrid, skuadër që zotëron kartonin e tij, por jo për këtë arsye është e përjashtuar mundësia për ta parë të kthehet në Torino.
Nuk është sigurisht një mister që Zonja e Vjetër është si një shtëpi e dytë për Morata-n dhe marrëdhënia me Allegri-n mund të jetë ajo “shtysa” më shumë për të bindur Colchoneros që ta lënë të largohet.
