Një aksident ka ndodhur këtë të Shtunë në plazhin e Jalës, ku një gomone ka goditur dy persona në breg, duke i plagosur.
Policia bëri me dije se rreth orës 11:20, Gj.P., 37 vjeç, duke drejtuar një gomone, dyshohet se ka humbur kontrollin duke dalë në breg.
Si pasojë ka dëmtuar A.S., 31 vjeç dhe E.GJ., 25 vjeçe, të cilët janë transportuar në spital, jashtë rrezikut për jetën.
Drejtuesi i mjetit lundrues është shoqëruar në Komisariatin e Policisë Himarë, për veprime të mëtejshme.
Grupi hetimor ndodhet në vendngjarje dhe po punon për sqarimin e plotë të rrethanave të ngjarjes, mbyllet njoftimi i bluve.
