Dy shqiptarë të moshës 40 dhe 21 vjec janë arrestuar nga policia greke.
Ata kanë dhunuar efektivët e policisë, si dhe kanë shkaktuar dëme në automjetin e patrullës.
Mediat helene shkruajnë se dy shqiptarët e prangosur janë babë e bir e se të dy pritet që të paraqiten para gjykatës, për t’u njohur me masën e sigurisë.
Ngjarja ka ndodhur mbrëmjen e së enjtes, më datë 14 korrik në Selanik. Policia ka marrë telefonatë për prishje të qetësisë publike, pasi shqiptarët kishin bezdisur fqinjët me muzikën e lartë.
Duket se babë e bir nuk kanë pritur mirë ardhjen e policëve dhe gjatë arrestimit, kanë sulmuar me gurë e grushte efektivët, por edhe mjetin e tyre.
Bëhet me dije se kjo familje nga Shqipëria i përket komunitetit rom.
