Gjykata e Apelit në Napoli ka dënuar me 10 vjet burg shqiptarin Erjon Bixi.
Bixi akuzohet për trafik droge, së bashku me shqiptarë të tjerë, që dyshohet se janë pjesë e klanit të frikshëm mafioz, Kamorra.
Në vitin 2019, policia italiane ka ekzekutuar 10 urdhër-arreste në Calena, por edhe në fshatrat Ballona, Vitulazio dhe Camigliano, ku mes të arrestuarve ishte edhe Bixi, shkruajnë mediat e vendit fqinj.
Grupi mafioz bashkëpunonte me një klan kriminal në Shqipëri, që merrej me trafik droge. Përpos trafikut të drogës, Bixi akuzohet edhe për trafik armësh nga vendi ynë.
40-vjecari shqiptar kërkohej edhe nga Greqia, për një vrasje të kryer në vitin 2003, kohë kur ishte dënuar në mungesë me burgim të përjetshëm.
Erjon Bixi, lindur në vitin 1982 dhe dënuar me burg përjetë për një vrasje të kryer në Athinë në vitin 2003 ishte shpallur në kërkim ndërkombëtar prej 16 vitesh.
