Anëtari i Kryesisë së PD-së, Enno Bozdo, komentoi në edicionin e orës 19:00, në Syri Tv amnistinë fiskale të propozuar nga kryeministri Edi Rama.
Bozdo tha se Shqipëia në vitet e fundit ka bërë hapa mbrapa në të gjitha drejtimet duke përmendur shtrirjen e korrupsionit në të gjitha nivelet e qeverisjes qendrore e vendore.
Sipas tij, qeveria e Ramës ka mungesë vullneti për të luftuar pastrimin e parave ndërsa shtoi se kemi të bëjmë me një projekt politik, legalizimin e parave të krimit me amnistinë fiskale.
“Moneyval vlerëson gatishmërinë e vendeve për të parandaluar paratë e krimit, jemi në listën gri. Kemi problemin me korrupsionin në të gjitha nivelet.
Raporti i DASH para disa muajsh sanksionoi që korrupsioni është i shtrirë në të gjitha nivelet e qeverisjes qendrore dhe vendore në Shqipëri. Jemi vend problematik sa i përket korrupsionit në Europë.
Jemi shndëruar në të 7-ët në botë për eksportim kanabisi, cilësohemi vend tranzit për drogërat e rënda, heroinë e kokainë.
Institucionet, sundimi i ligjit, puna e institucioneve ka rënë. Tirana veçanërisht vazhdon të jetë lavatriçe e pastrimit të parave të pista.
PD përshëndeti largimin e ambasadorit të Francës e Gjermanisë kur fjala e Ramës filloi të bullizojë Dhomën amerika e gjermane të Tregtisë.”-tha Bozdo.
