Fundi i ndeshjes mes Partizanit dhe Saburtalo në Ligën e Konferencës është shoqëruar me shumë tension. Fillimisht ishin hedhjet e sendeve dhe fishekzjarrëve nga tifozët e të kuqve, ndërsa më pas e kishte radhën edhe një përplasje mes pjesëtarëve të dy skuadrave.
Në momentet kur ekipi I Saburtalo po i drejtohej tribunës ballore, në fushë shpërtheu një zënkë mes një prej lojtarëve që ishin në stol të Partizanit që po ngushëllonte shokët e skuadrës dhe një prej lojtarëve të Saburtalos që po festonte.
Mes palëve kishte disa çaste tensioni ndërsa ndërhynë pjesëtarët e stafeve dhe stjuardët për t’i ndarë në këto momente kaosi, që u shoqëruan më pas edhe me hedhjen e sendeve dhe shisheve nga tribuna qendrore e “Air Albania”.
