Partizani fitoi me rezultatin 0-1 takimin e parë përballë Saburtalos në Gjeorgji. Ndeshja e vlefshme për Conference League u zgjidh nga goli i Tedi Carës në minutën e 47’ të takimit.
Në transfertë “demat” kuotoheshin më pak favoritë se vendasit nga bastet sportive, teksa gjërat kanë ndryshuar pas fitores. Koeficientet për ndeshjen e “Air Albania”(e enjte ora 20:00) shohin Partizanin favorit për të fituar sërish. Suksesi i “demave të kuq” kuotohet me 2.25, humbja me koeficientit 3, ndërsa barazimi 3.5.
Diferencat megjithatë janë të vogla dhe gjithçka i mbetet fushës së blertë. Kujtojmë se Partizani ishte më pak favorit për të fituar në Gjeorgji sipas basteve dhe ja doli. Në rast neglizhimi, Saburtalo mund të bëjë të njëjtën gjë në Shqipëri.
Fiton Partizani: 2.25
Barazim: 3.5
Fiton Saburtalo: 3
