Dy persona janë arrestuar ditën e sotme në Krujë, pas finalizimit të operacionit të koduar “Krasta”.
Një 24 vjeçar është arrestuar pasi u gjet me armë pa leje në makinën e tij. H.S., në automjetin tip “Golf” iu gjet dhe iu sekuestrua një armë zjarri pistoletë me municion luftarak. Vendodhja e të riut u lokalizua përmes dronit, në fshatin Krastë.
Gjtihashtu u arrestua edhe një 31-vjeçar, pasi kishte kutivuar bimë narkotike në një zonë të pyllëzuar.
“Në vijim të operacionit, si rezultat i veprimeve proaktive, u bë e mundur që në një zonë të pyllëzuar të fshatit Krastë, të zbulohej një sipërfaqje toke në të cilën ishin kultivuar bimë narkotike kanabis. Në vijim të veprimeve hetimore u arrestua në flagrancë si autor i dyshuar i kultivimit të tyre, 31-vjeçari K. S., i cili ka lidhje shoqërore me shtetasin H. S.,” njoftoi policia.
Materialet i kaluan Prokurorisë pranë Gjykatës së Rrethit Gjyqësor Krujë, për veprat penale “Mbajtja pa leje dhe prodhimi i armëve, armëve shpërthyese dhe municionit” dhe “Kultivimi i bimëve narkotike”, shtuan të njëjtat burime.
