Francesco Totti i ka dhënë fund martesës prej 17-vitesh me prezantuesen italiane Ilari Blazi. Ndarja ka ardhur si pasojë e faktit që të dy tashmë shoqërohen me persona të tjerë.
I dashuri i ri i Ilari Blazit nuk është bërë ende publik, por dihet se kush është biondja që i ka “rrëmbyer” zemrën Totit. Noemi Boki është personi me të cilin Toti shoqërohet prej muajsh dhe në Itali kanë filluar të aludojnë se mes tyre gjërat janë serioze.
Noemi ka qenë shpesh në stadium në ndeshjet ku ka qenë i pranishëm Toti në tribunë në Itali, por duke i qëndruar larg që të mos e kapnin kamerat. Mesa duket, një gjë të tillë e ka bërë edhe në Tiranë, në finalen e Ligës së Konferencës ku Toti ishte një nga të ftuarit në tribunën VIP në “Air Albania” gjatë ndeshjes mes Romës dhe Fejnord.
