Ministria ruse e Mbrojtjes ka përditësuar shifrat e saj më të fundit mbi luftëtarët që u janë bashkuar ushtarëve në Ukrainë nga e gjithë bota.
Ajo që prej nisjes së luftës ka deklaruar se ka patur luftëtarë dhe nga Shqipëria dhe Kosova që u janë bashkuar ushtarëve ukrainas, disa prej të cilëve edhe kanë humbur jetën në luftë.
Nga statistikat e publikuara sëfundmi vihet re se, sipas Ministrisë ruse të Mbrojtjes, në total që nga fillimi i luftës më 24 shkurt 2022, i janë bashkuar luftës 150 luftëtarë nga Shqipëria nga të cilët 51 kanë humbur jetën ndërsa 45 janë deportuar.
Sa i takon Kosovës sipas shifrave të saj, 156 persona në total i janë bashkuar luftës deri më tani, nga të cilët 69 kanë humbur jetën dhe 62 janë deportuar.
Sipas shifrave të saj, Polonia ka patur më shumë luftëtarë që i janë bashkuar luftës, rreth 1835 ndërsa në total mbi 7000 luftëtarë nga e gjithë bota u janë bashkuar luftëtarëve ukrainas.
Ministria e Jashtme shqiptare ka mohuar se shtetas shqiptarë kanë humbur jetën në luftën e Ukrainës.
