Robert Lewandowski ka udhëtuar dje drejt Mynihut që të bindë përsonalisht drejtuesit e Bajernit që ta lejojnë që të largohet gjatë merkatos së verës, me dëshirën e tij të qartë për t’iu bashkuar Barcelonës. Por ajo që ra në sy te të gjithë ishte se në këtë udhëtim ai ishte i vetëm, pasi me të nuk kishte udhëtuar si zakonisht familja.
Lewandowski zbarkoi në Munich pa bashkëshorten Ana dhe vajzat Klara dhe Laura. Sipas mediave polake, kjo ka ardhur nga fakti se në familjen e sulmuesit polak janë tronditur nga reagiemt në rrjetet sociale të tifozëve të Bajernit, disa prej të cilëve e kanë tepruar me kërcënimet.
Raportohet se familja e lojtarit ka marrë kërcënime me vdekje që kur ai shprehu publikisht dëshirën që të largohej nga Bajerni. Një situatë e paprecedent e cila ka shtyrë sulmuesin që për momentin të mos udhëtojë me familjen drejt Gjermanisë për të biseduar me klubin. Ndërkohë, persona afër tij kanë përgënjeshtruar idenë se Levandovski do të refuzojë të stërvitet nëse nuk lejohet transferimi i tij nga Bayerni.
