Një i moshuar ka humbur jetën mesditën e sotme në Tiranë, pas një aksidenti tragjik.
Ngjarja ka ndodhur në zonën e Komunës së Parisit, ku ka humbur jetën 70-vjeçari me inicialet F. Gj.
Ndërkaq, në një aksident të ndodhur në rrugën Mullet-Elbasan, janë përplasur dy makina, ky kanë mbetur të plagosur dy shoferët.
Policia Tiranë/ Informacione paraprake
Më datë 12.07.2022, në Komunën e Parisit, automjeti me drejtues shtetasin A. R. ka aksidentuar shtetasin F. Gj., rreth 70 vjeç, i cili ka ndërruar jetë më pas, në spital.
Grupi hetimor po punon për sqarimin e rrethanave të aksidentit.
Më datë 12.07.2022, në aksin rrugor Mullet-Elbasan, është përplasur automjeti me drejtues shtetasin E. M. me automjetin me drejtues shtetasin D. T.
Si pasojë janë dëmtuar të dy drejtuesit e automjeteve, të cilët ndodhen në spital, nën kujdesin e mjekëve.
Grupi hetimor po punon për sqarimin e rrethanave të aksidentit.
