Mozzik deklaroi pak kohë më parë: “Vera nuk do na gjejë single”. Nga ana tjetër edhe ish-partnerja e tij Loredana Zefi, disa ditë më parë u shpreh se nuk ka asnjë kontakt me Mozzik dhe u përfol për një lidhje me reperin gjerman Raheem Heid, i njohur me pseudonimin “Reezy”.
Pas gjithë kësaj, ish-çifti po përfliten për një ribashkim për të disatën herë. Faqja në Instagram “Vipat e Bllokut”, kanë postuar një foto shkëputur nga postimet e reperëve në fjalë ku duken në të njëjtën makinë. Mirëpo këto dyshime do të mbeten deri një një konfirmim zyrtar nga dyshja.
Kujtojmë që Loredana dhe Mozzik u bënë prindër për herë të parë në dhjetor të vitit 2018, duke mirëpritur në jetë vajzën e tyre. Një vit më pas ata i dhanë fund lidhjes së tyre. Një ndarje jo shumë miqësore me deklarata e akuza të forta. Megjithatë çifti u bashkua në 2020 duke sjellë një album të përbashkët dhe u ndanë sërish në verën e 2021 duke u shprehur se ‘janë dy kokëfortë që nuk bëjnë dot as me njëri-tjetrin dhe as pa njëri-tjetrin.’
