I ftuar në Task Force në SYRI TV , gazetari i Radio France, Genc Burimi ka folur për skenarët negativë të ekonomisë shqiptare.
Burimi parashikoi se Shqipëria do jetë në situatën e Sri Lankës në muajt shtator tetor pasi borxhi i jashtëm i vendit i ka kaluar 40% të GDP-së.
Sipas Burimit, Georg Soros ka financuar këshilltarin Housman që kryeministri Edi Rama e prezantoi në Shqipëri në vitin 2015 për të zgjidhur krizat në vend, por që Rama ka treguar se se çon vendin në shkatërrim.
Burimi: Kur erdhi Rama në pushtet, Sorrosi financoi këtë këshilltarin Housman. Kanë një influencë shumë të madhe dhe fillojnë të votohen nga populli. Rama kapet me markën dhe vjen si mesia, kjo është e tmerrshme. Rama të çon në shkatërrim. Kur ky këshilltari erdhi në 2015 tha se në Shqipëri shoh tre kriza, kreditë e këqija, kriza energjetike dhe borxhi i jashtëm. Ky vetëm kreditë e këqija zgjidhi, ku bankat i mblodhën këto kredi. Dy krizat e tjera nuk i zgjidhi dot. Dhe këtu lidhet Shqipëria sot me Sri Lankën. Prej shumë kohësh, FMN thotë se vendet si Shqipëria, s’mund ta kalojnë borxhin publik në 40% të GDP-së së tyre. Me këtë inflacion galopant, kjo qeveri nuk ka më mundësi të mari borxh. E vetmja zgjidhje sot për Shqipërinë është se kemi një kurs monedhe të favorshme. Leku përforcohet ndaj euros. E vetmja zgjidhje për këtë qeveri është të fillojë të shtyp kartmonedhë. Po në shtator tetor kur mos të ketë më emigrantë, do jemi si Sri Lanka sot pasi sdo kemi më valutë për të blerë ushqime dhe karburant.
