Është përcjellë sot për në banesën e fundit 28-vjeçari Besnik Veliaj I cili gjeti vdekjen nga asfiksia pasi mbeti I bllokuar në pus .
Ai së bashku me shokun e tij Bledar Bregu, u futën për të pastruar një pus uji, e që fatkeqësisht mbetën të asfiksiar.
Dy djemtë 28 dhe 33 vjeç, aksidentalisht ranë në pusin që po pastronin e nuk mundën dot të dilnin prej aty pa ndihmën e zjarrfikësve. Gjatë operacionit të shpëtimit mbeti i lënduar dhe zjarrëfikësi Albens Zotaj, i cili pasi ka marrë ndihmën mjekësore është në gjendje të mirë shëndetësore.
Edhe pse u transportuan për në spitalin e Fierit, 28-vjeçari Veliaj nuk mundi të mbijetonte, ndërsa shoku i tij vazhdon të jetë nën vëzhgimin e mjekëve.
Ngjarja e rëndë ndodhi ditën e djeshme ku 38-vjeçari Besnik Veliaj humbi jetën, pasi ra në pusin e ujit, ndërsa i plagosur mbeti 33-vjeçari Bledar Bregu që po punonte bashkë me të. Në pus ka hyrë për të shpëtuar dy burrat zjarrfikësi Albens Zotaj, i cili u lëndua dhe është dërguar në spital.
