Një 37-vjeçar ka humbur jetën pasditen e sotme në Maliq të Korçës. Viktima është transportuar drejt spitalit rajonal të Korçës pa shenja jete, ndërsa policia në njoftimin e saj zyrtar, thotë se dyshohet se 37-vjeçari ishte përdorues droge.
Maliq/Informacion paraprak
Mbrëmjen e sotme, jemi njoftuar se në Spitalin e Korçës, ka mbërritur i pajetë, pa shenja dhune në trup dhe i shoqëruar nga familjarët e tij shtetasi O. Xh., rreth 37 vjeç, banues në fshatin Podgorie, Maliq.
Nga të dhënat e para dyshohet se ky shtetas ishte përdorues i lëndëve narkotike dhe se vdekja mund të jetë shkaktuar nga shkaqe natyrore.
Grupi hetimor po punon për sqarimin e rrethanave të ngjarjes.
