Aktorja e famshme Cameron Diaz mund të jetë përdorur si korriere droge pa e ditur ajo. Aktorja e ka treguar këtë për podcastin Second life ku ajo foli për fillimet e karrierës së saj.
Kur po kalonte një periudhë të vështirë nga pikëpamja ekonomike, Diaz tregoi se u zhvendos në Paris për të punuar si modele, por doli se nuk ishte aspak e lehtë.
“Isha në gjendjen time financiare më të keqe. Isha atje (Paris) për një vit të tërë, por nuk arrita të gjeja punë. Me përjashtim të një rasti kur mendoj se jam përdorur si korriere droge për në Marok. Të betohem”.
Ajo kujton se i caktuan një punë si modele dhe i duhej të udhëtonte në Marok me një valixhe të mbyllur, për të cilën i ishte thënë se “brenda saj ishin ‘kostumet e mia”. Vetëm kur arriti në aeroportin e vendit dhe iu kërkua të hapte valixhen, ajo filloi të mendonte për të: çfarë dreqin kishte.
“Më pyeten se çfarë kishte në valixhe. Aty fillova të frikësohesha. U përgjigja: Nuk e di. Nuk e kam idenë se e kujt është.”
Diaz më vonë kuptoi se ajo është mashtruar dhe e la valixhen tek zyrtari i aeroportit dhe u kthye në shtëpi në Paris.
