Paralelisht me mësymjet për Ziehun e De Keteleren, Maldini do të mundohet të bëjë edhe goditjen për përforcimin në mbrojtje, aq të nevojshëm për ekonominë e kampionatit.
Emrat janë të shumtë, por Abdu Dialo i PSG-së është në krye të listës. Ai mund të luajë në qendër e në të majtë, por më e rëndësishmja është mëngjarash.
Një lojtar i tillë i mungon Piolit në prapavijë ku i vetmi që përdor më mirë të majtën është Teo Hernandezi.
Nga ana tjetër, fakti që PSG-ja po bën disa spastrime (do të largohet edhe Kimpembe) mund të jetë një shtysë për 26-vjeçarin që të tentojë fatin jashtë France pas tri vitesh në Paris.
Më herët ai ka luajtur në Belgjikë e Gjermani, por nuk ka mundur të imponohet, ndërkohë që me përvojën e akumuluar mund të rezultojë një përforcim i vyer për kampionët e Italisë.
Kujtojmë se kuqezinjtë e kërkuan Dialon edhe në merkaton e dimrit, por me PSG-në nuk u gjet gjuha e dialogut.
